Сінэр выйшаў у пяты фінал запар на турнірах ATP 1000
Першая ракетка свету Янік Сінэр выйшаў у фінал турніру ATP 1000 у Мадрыдзе.
У 1/2 фіналу італьянец перамог француза Артура Фіса (№25 ATP) з лікам 6:2, 6:4.
Сінэр працягнуў сваю беспройгрышную серыю да 22 матчаў у туры і 27 матчаў на турнірах гэтай катэгорыі. Для яго гэта будзе пяты фінал запар на турнірах ATP 1000 і 37-ы ўвогуле.
Сінэр упершыню выйшаў у фінал турніру ATP 1000 у Мадрыдзе.
24-гадовы Янік стаў самым маладым гульцом, які выходзіў у фінал на ўсіх дзевяці «Мастэрсах». Увогуле, ён чацвёрты тэнісіст з такім дасягненнем пасля Роджэра Федэрэра, Рафаэля Надаля і Новака Джокавіча.
У фінале ён будзе змагацца за свой 9-ы тытул на турнірах ATP 1000 і 28-ы ўвогуле.
Mutua Madrid Open
ATP 1000
Мадрыд, Іспанія
21 красавіка – 3 траўня
Грунт
Прызавы фонд: €8,235,540
1/2 фіналу
Янік Сінэр (Італія) – Артур Фіс (Францыя) – 6:2, 6:4
