Былога боса Маеўскага раскрытыкаваў футбаліст, які трапляў у скандал з «дзік-пікамі»

Іспанскі спецыяліст Альберт Рыера пасля 1,5 плённых сезона ў славенскім «Цэле» перайшоў у нямецкі «Айнтрахт». Ягоны асістэнт, беларус Іван Маеўскі, замяніў яго на гэтай пасадзе. Ужо ў Германіі іспанец сутыкнуўся са шквалам крытыкі за свае нестандартныя для Бундэслігі паводзіны і сістэму штрафаў для гульцоў.

Былыя футбалісты «Вердэра» Макс Крузэ і Марцін Харнік у падкасце Flatterball абмеркавалі прызначэнне Альберта Рыеры. Крузе папракнуў іспанца ў празмерным жаданні вылучацца – на яго думку, Рыера «кожны тыдзень прыдумляе, што сказаць на прэс-канферэнцыі».

Харнік назваў трэнера «занадта пыхлівым і засяроджаным на сабе». «Шчыра кажучы, я не жадаю яму поспеху. Было б нават цікава паглядзець, як ён проста знікне», – заявіў аўстрыец.

На прэс-канферэнцыі Рыеру папрасілі пракаментаваць гэтыя выказванні:

«Хто? Гэта футбалісты? Я тут не для таго, каб кагосьці крытыкаваць. Але трэба разумець: калі ты публічная асоба, заўсёды будуць і тыя, каму ты падабаешся, і тыя, хто цябе не прымае. Мне можа зрабіць балюча толькі той, каго я люблю. Жонка, дзеці, сябры – іх словы могуць закрануць. Астатнія – не», – адказаў трэнер франкфурцкай каманды.

Таблоід Bild апублікаваў матэрыял пра канфлікт, і ў клубе адрэагавалі.

«Дарагая Bild, давайце дамовімся, што пытанні да нашага галоўнага трэнера на прэс-канферэнцыях не павінны грунтавацца на меркаваннях з падкаста, у якім адзін з двух вядоўцаў ужо дэманстраваў свой пеніс у інтэрнэце. Гэта было б проста непрафесійна. Дзякуй», – адзначылі ў «Айнтрахце».

У 2016 годзе ў сеціве з’явіўся дзік-пік Крузэ. Меркавана, ролік прызначаўся яго дзяўчыне, але пазней трапіў у адкрыты доступ. Сам Крузэ фактычна не даваў шырокіх публічных тлумачэнняў, але сітуацыя стала часткай яго рэпутацыі.

«Да, я чудак. Ну и что здесь такого?» Cамый безбашенный немецкий игрок

Пад кіраўніцтвам Рыеры «Айнтрахт» згуляў тры матчы: нічыя з «Уніянам» – 1:1, перамога над «Барусіяй» Мёнхенгладбах – 3:0 і мінімальная параза ад «Баварыі» – 2:3. Каманда ідзе на 7-м месцы ў Бундэслізе. У Маеўскага з «Цэле» 3 перамогі, нічыя і параза.