Серыял пра стасункі двух нхлаўцаў стаў прасоўваць хакей у свеце

Канадскае «Спякотнае суперніцтва» – адзін з галоўных спартовых серыялаў гэтай зімы. У цэнтры – два зорныя гульцы НХЛ: канадзец Шэйн Холандэр і расіянін Ілля Разанаў. Яны публічна застаюцца заклятымі супернікамі на лёдзе, але па-за пляцоўкай таемна будуюць стасункі. Гісторыя расцягнутая на гады і трымаецца на канфлікце паміж кар’ерай, рэпутацыяй і інтымнасцю, якая ў гамафобным хакейным і расійскім свеце можа разбурыць усё.

Ключавы момант сюжэту – страх выкрыцця: героі ўвесь час выбіраюць скрытнасць, таму што ліга і хакейная культура паказаны як прастора ціску, дзе «лішняя» публічнасць можа каштаваць карʼеры і бяспекі. Унутры гісторыі важны кантраст: калі адзін з гульцоў робіць публічны камінг-аўт, гэта становіцца кропкай, пасля якой галоўныя героі пачынаюць абмяркоўваць магчымасць «перастаць хавацца» і нават запусціць публічную ініцыятыву.

У НХЛ няма геяў?

Некаторыя раскрытыкавалі серыял за ненатуральнасць. Там не паказаюць «масавую» гамафобію і таксічнасць распраналак. Хакей застаецца даволі грубым і маскуліным спортам нават у Канадзе.

Толькі адзін гулец з кантрактам лігі здзейсніў камінг-аўт – гэта былы праспект «Нэшвіла» Люк Пракоп. Але абаронца так і не згуляў за тую каманду і цяпер праводзіць матчы ў АХЛ.

У апошні час ліга стараецца прасоўваць ідэі роўнасці, але некаторыя гульцы іх сабатуюць. Напрыклад, расіянін Іван Провараў у 2023-м адмовіўся выходзіць на раскатку ў прайд-джэрсі. У гэтым яго падтрымаў трэнер. А пасля НХЛ забараніла наогул тэматычную адзенне на трэніроўках. Асобна каманды ўдзельнічаюць у прасоўванні барацьбы з гамофобіяй, але выбарачна. Гэтак, Аляксей Протас не выйшаў на размінку ў «Ноч гонару» з клюшкай, абмотанай вясёлкавай сімволікай.

Серыял папулярызаваў хакей

Ён знізіў парог уваходу ў гэты від спорту. Мемы і чэленджы з яго перашлі ў TikTok/Instagram і цягнуць людзей «звонку» на арэны. NBC News апісвае эфект: гледачы пасля серыялу, ідуць на TikTok за яшчэ адной порцыяй хакейнай рамантыкі.

Акторы Хадсан Уільямс і Конар Сторы, якія выконваюць галоўныя ролі ў серыяле, паўдзельнічалі ў эстафеце алімпійскага агню.

Першы сезон ужо завяршыўся, серыял атрымае працяг.