У Расіі замест гімна Кітая ўключылі дзяржаўны гімн Беларусі

Перад сустрэчай ніжнякамскага «Нафтахіміка» з «Шанхай Дрэганс» (7:5) здарыўся фейл: замест кітайскага гімна ўключылі беларускі. Пасля дыктар растлумачыў, што запусціць патрэбны трэкаў не ўдалося праз «тэхнічных праблемы».

Цікавостка ў тым, што ў кітайскай камандзе не гуляе ніводны ўраджэнец Паднябеснай. У складзе ёсць 2 грамадзяніны Кітая, але яны нарадзіліся ў Канадзе: гэта браты Паркер і Спэнсар Фу. Іх бацька мае кітайскае паходжанне.

Сучасны гімн Кітая нават менш камуністычны, чым лукашэнкаўсі, але больш мілітарны і ў ім ёсць нешта агульае з «Мы выйдзем шчыльнымі радамі»:

Уставай, хто рабом стаць не жадае!

Са сваёй плоці Вялікую сцяну пабудуем!

Для лёсу нацыі грозная гадзіна надышла,

І з грудзей ірвецца кліч наш апошні:

Уставай! Уставай! Уставай!

Нас мільёны,

але сэрцам мы адзіныя,

Пад агнём кананады смела мы ў бой пойдзем,

Наперад! Наперад! Наперад!

Дарэчы, гэта афіцыйны пераклад на беларускую мову.