Падстрэлаў бадзёра пачаў у Албаніі: забіў праз пару гадзін па трансферы, гол у чэмпіянаце таксама чакалі нядоўга

4 студзеня Дзмітрый Падстрэлаў быў афіцыйна аб’яўлены гульцом албанскага «Партызані». Літаральна праз некалькі гадзін ён адзначыўся дэбютным голам.

Праўда, гэта быў таварыскі матч – каманда беларуса гуляла супраць «Кастрыёці» з албанскага Д2 і разграміла яго з лікам 6:0

Так ці іначай, можаце паглядзець на першы ў гісторыі мяч беларуса , забіты за албанскі клуб

ВІДЭА

Гола ў афіцыйнай сустрэчы таксама давялося чакаць нядоўга.

Першы раз на полі ў чэмпіянаце Албаніі Падстрэлаў з’явіўся 11 студзеня, выйшаў у старце супраць «Скендербеу» (1:1), за 76 хвілін не адзначыўся выніковымі дзеяннямі.

Аднак у наступным матчы, 19 студзеня, выйшаў на замену супраць «Тэўты» на 61 хвіліне і ўжо на 77 забіў.

ВІДЭА

Будзеце сачыць за выступам Дзмітрыя Падстрэлава ў албанскім чэмпіянаце? Улічваючы лідаруючыя пазіцыі «Партызані» (першае месца пасля 21 тура) высокая верагоднасць таго, што беларус возьме трафей за мяжой.