Шпілеўскі зноў без шанцаў прайграў у РПЛ – лік быў бы большым, калі б суддзі былі паслядоўнымі

Аляксей Шпілеўскі працягвае сваё няўдалае шэсце ў расійскім футболе. Вось і ў шостым туры РПЛ прайграў маскоўскаму «Дынама» – 0:3. Цяпер яго «Ніжні Ноўгарад» ідзе на перадапошнім месцы ў чэмпіянаце і мае ў актыве ўсяго адну перамогу на пяць параз.

Аднак лік мог бы быць зусім разгромным. Па-першае, маскоўскаму клубу не хапіла рэалізацыі – за матч яны нанеслі ажно 28 удараў, 11 з якіх у створ. Па-другое, расійскаму арбітру Уладзіміру Маскалёву не хапіла паслядоўнасці ў вырашэннях.

Вось першы эпізод. У ім мяч трапляе ў руку абаронцы «НН» у межах штрафной зоны. Аднак суддзя не свісціць – няма нагоды, у руку білі ва ўпор, адвесці яе не было магчымасці. Гэта эпізод нават не праглядаўся асістэнтамі VAR.

ВІДЭА

І ўсё б нічога, але літаральна праз некалькі хвілін эпізод паўтараецца ў іншы бок. Мяч трапляе ў руку футбаліста «Дынама» Данііла Фоміна ў цэнтры поля, той падыгрывае сабе незнарок і развівае атаку да трэцяга гола. Аднак узяцце брамы Дзяніса Макарава не залічваюць, прычына – фол у атацы, гульня рукой.

ВІДЭА

Чаму ў гэтых падобных эпізодах арбітр прыняў два супрацьлеглых вырашэнні? Невядома. Але вынік адзін – «НН» усё адно прапусціў свой трэці мяч і працягнуў ганебна валіцца ў расійскай Прэм’ер лізе.