У «МЛ» весела не толькі з гульцамі, але і трэнерамі. Там ужо два хуткіх сыходы пасля прызначэння
Затое Шагойка трымаецца.
У «МЛ» з Віцебска вельмі паспяхова складаецца дэбютны сезон у вышэйшай лізе – клуб хутка ўзначаліў табліцу і ўжо разбіў некалькі сур’ёзных канкурэнтаў. Вядома, то было б немагчыма без моцных зменаў у калектыве. Туды апрача новых футбалістаў прыйшоў і новы трэнерскі штаб з Аляксандрам Шагойкам на чале. І калі сам Шагойка застаецца на месцы і прымае заслужаныя кампліменты за працу, то пазіцыі побач з ім пакуль не такія стабільныя.
17 лютага «МЛ» падпісаў іспанскага спецыяліста Мікеля Гільена. Папярэднім яго клубам на той момант быў кіпрскі «Красава» расійскага блогера Яўгена Савіна. Яшчэ раней іспанец працаваў у бухарэсцкім «Дынама», кіпрскім «Арысе» і больш экзатычных індыйскім «Бенгалуру» і танзанійскім «Азаме».
Спецыяліст увогуле любіць вандраваць па свеце. Для кожнай краіны, як і для кожнага клуба, ў яго сторыз заведзены спецыяльны раздзел – ёсць там і «МЛ» з Беларуссю пад рэжымным сцягам.
28 красавіка Гільен на сваёй старонцы падзяліўся фотаздымкам з Кургана Славы з подпісам: «Працягваю спазнаваць Беларусь».
Аднак спазнанне неўзабаве скончылася (ці, прынамсі, прыпынілася). 9 траўня «МЛ» аб’явіў пра сыход трэнера з клуба. У тым жа допісе з’явілася інфармацыя пра новае месца працы іспанца – ізноў жа кіпрскі «Арыс», якім па факце валодаюць тыя ж людзі, што і «МЛ». Вяртанне Гільена ў клуб з Лімасола супала з сыходам адтуль Аляксея Шпілеўскага, які абарваў першы заход іспанца ў клуб.
За «Макслайном» (и клубом, и букмекером) стоит айтишник, который связан с «Арисом»
Таксама ў лютым «МЛ» аб’явіў пра падпісанне расіянкі Кацярыны Шмялёвай на пасаду трэнера-аналітыка.
Раней спецыялістка працавала выкладчыцай па футбольнай англійскай мове ў маскоўскім футбольным клубе «Радзіма» і селекцыянерам-аналітыкам у жаночым маскоўскім «Дынама». Таксама стажыравалася ў селекцыйным аддзеле «Барселоны».
Здаецца, у Беларусі жанчыне падабалася. У інтэрв’ю для прэс-службы «МЛ» яна прызнавалася: «Заўсёды хацела паспрабаваць сябе менавіта ў дарослым мужчынскім футболе на аналітычнай пасадзе. І футбольны клуб «Макслайн» рэалізаваў такую вось мару».
На сваёй асабістай старонцы ў Інстаграме 8 сакавіка Шмялёва цешылася выхаду «МЛ» у паўфінал Кубка Беларусі пасля перамогі над «Белшынай».
Ужо наступны пост, які з'явіўся 9 сакавіка, жанчына прысвяціла сталіцы Беларусі. Фотаздымкі яна аб'яднала ў два калажы: на першым месціцца савецкая і сучасная забудова, на другім – помнікі мінскай архітэктуры даўнейшых часоў. Подпіс пад пастом: «Мінск (Беларусь) – горад кантрастаў».
Аднак ужо Шмялёва аб’явіла, што цяпер з’яўляецца скаўтам самарскіх «Крылаў Саветаў». Беларускі ж клуб пра сыход спецыялісткі так і не аб’явіў. Такім чынам, Шмялёва прапрацавала ў «МЛ» менш за два месяцы.
2 траўня, яшчэ да сыходу Гільена, штаб віцяблян папоўніла беларуска Ірына Гурко. Яна заняла пасаду рэабілітолага. Раней жанчына працавала ў салігорскім «Шахцёры», дзе займала пасаду трэнера па агульнай фізічнай падрыхтоўцы. Пра сыход з Салігорска, дзе прапрацавала тры гады, яна аб’явіла напярэдадні новага прызначэння, 1 траўня.
Цяпер у яе Інстаграме з’яўляюцца відэа з ходам аднаўлення гульцоў «МЛ» замест салігорцаў.
Як думаеце, ці надоўга спецыялістка ў клубе?
Іншыя пасты карыстальніка
