Фанаты «Катавіцаў» так запальваюць, што спыняюцца матчы. А калі што, могуць і распрануцца (Шкурын усё бачыў!)
Рэальна агонь.
Ужо больш як месяц Ілля Шкурын гуляе і забівае ў «Катавіцах». За шесць матчаў у новым клубе ён адзначыўся тройчы і давёў агульную колькасць сваіх мячоў за ўсе польскія клубы да 31.
Пасля трансферу беларусу давялося адаптавацца хіба што пад патрабаванні новага трэнера, а вось са спецыфікай польскага чэмпіянату ён ужо добра знаёмы. Нават з самымі няўрымслівымі ў Польшчы фанатамі «Легіі» сустрэўся – здаецца, Шкурына ўжо няма чым здзвіць, але ультрас новага клуба спрабуюць.
Яшчэ ў 8-м туры Экстракласы «Катавіцы» прыехалі ў Гданьск да «Лехіі» – тады ж адбыўся дэбют беларуса. Першы тайм застаўся за гаспадарамі (1:0) і прайшоў без асаблівых здарэнняў, а вось у сярэдзіне другой паловы гульня атрымала новы паварот, прычым галоўнымі героямі былі не футбалісты.
Спачатку свае фаеры запалілі ультрас «Лехіі», якія на хатнім матчы, вядома, былі ў большым складзе.
А потым іх падтрымала і трыбуна заўзятараў ГКС Шкурына.
У выніку на 70-й хвіліне суддзя быў вымушаны прыпыніць сустрэчу. Шкурын, які выйшаў на 59-й хвіліне, спачатку адбегаў 11 хвілін, а потым яшчэ столькі ж стаяў і чакаў, калі чырвоны дым трошкі сыйдзе і можна будзе гуляць далей.
Арбірт аднавіў матч, як толькі фанацкія «аблокі» сталі крыху менш густымі.
Праз гэтыя перфомансы да асноўнага часу было дададзена ажно 16 хвілін, прычым на 90+17-й хвіліне «Лехія» забіла яшчэ адзін мяч, а фінальны свісток прагучаў толькі на 109-й хвіліне. Калі дадаць сюды яшчэ хвілінку, якую дакінуў суддзя ў першым тайме, то ў суме атрымаецца ажно 109 «брудных» хвілін на полі замест 90.
І гэта не адзінкавы выпадак.
Пару тыдняў таму ў 11-м туры ў матчы супраць «Леха» фанаты «Катавіцаў» вырашылі даць сваёй камандзе лішні перапынак ужо на 19-й хвіліне. Лік на той момант быў 0:0, але, магчыма, ультрас не задавальняў 0 у графе ўдараў ад Шкурына і партнёраў?
Так ці інакш хатняя арэна «Катавіцаў» на нейкі час пачырванела.
Трансляцыя адразу пачала выглядаць вось так.
На 24-й хвіліне (таймер трансляцыі не спыняўся) было не лепш.
Дымны прайм адбыўся, бадай, на 28-й хвіліне.
Гульня ў выніку працягнулася толькі на 31-й хвіліне. То бок паўза трывала 12 хвілін – яшчэ даўжэй, чым у матчы з «Лехіяй». Шчыра кажучы, можна было пачакаць яшчэ, бо карцінка трансляцыі акурат пасля аднаўлення гульні выглядала вельмі «хмарнай». Верагодна, для футбалістаў і суддзяў бачнасць была лепшай – але гледачы мусілі напружваць зрок.
Перфоманс ультрас зноў не дапамог футбалістам «Катавіцаў»: на 45-й хвіліне «Лех» забіў, пасля чаго каманды гулялі яшчэ 12 хвілін, што суддзя дадаў да першага тайма. У другой палове ён накінуў яшчэ 5 хвілін (не праз піратэхніку), таму сумарны «брудны» таймінг на полі склаў 107 хвілін.
Бываюць у фанаў «Катавіцаў» і выезды без піратэхнікі на арэнах – тады яна выкарыстоўваецца па-за матчам. Так, напрыклад, было ў мінулую пятніцу пасля 12-га тура супраць «Матора».
А непасрэдна на футболе ў Любліне, дзе Шкурын аформіў свой першы дубль за новы клуб, ультрас пры тэмпературы +8 вырашылі паздымаць майкі.
Новый клуб Шкурина наконец победил при нем – беларус вложился в это дублем
Пасля гульні беларус і партнёры адсвяткавалі перамогу агульным фота з фанатамі – дзеля гэтага футбалістам нават спусцілі банер.
Наведвальнасць матчаў па Польшчы ў прыпцыпе знаходзіцца на высокім узроўні, а канкрэтна «Катавіцы» ў бягучым сезоне ў сярэднім збіраюць 11585 заўзятараў на кожнай хатняй гульні – гэта 10-ы паказнік у Экстракласе. У «Легіі» гэта 25187 чалавек, а ў лідара «Леха» наогул 30991.
Тым не менш і ў Катавіцах Шкурын не застанецца без патрымкі. А мясцовыя стабільныя 10+ тысяч – гэта космас для ЧБ.
Фота: gieksainfo.pl; прэс-служба «Катавіцаў».
Іншыя пасты карыстальніка
