Рэжымны сцяг на 100 метраў і такі ж салют, які напалохаў. У Брэсце паставілі рэкорд сезона па гледачах
«Дзякуй, што не спалілі».
У 7-м туры ЧБ-2026 паміж сабой гулялі брэсцкае і мінскае «Дынама». Каманда Аляксандра Шагойкі перамагла 2:1 дзякуючы дублю 19-гадовага Арцёма Сакалоўскага.
«Динамо» Минск не отпускает «МЛ»: зарешал молодой, Седнев обвинил в самолюбовании
Сустрэча ў Брэсце сабрала на трыбунах 8 875 заўзятараў – гэта новы рэкорд сезона. За некалькі дзён да гульні ў сацсетках гаспадароў абвясцілі, што матч будзе прысвечаны дню так званага дзяржаўнага сцяга, герба і гімна. Заўзятараў заклікалі прыходзіць не толькі ў клубнай атрыбутыцы, але і з рэжымнай сімволікай. Мяркуючы па відэа галоўнай трыбуны, мала хто на гэта адгукнуўся –большасць была ў «бела-сініх» колерах.
Каманды выйшлі на поле пад песню «День победы». Выконваў яе зводны хор навучальных устаноў Брэста.
Выхаванцы школы брэсцкага «Дынама» і мясцовай вучэльні алімпійскага рэзерва вынеслі на поле 100-метровы рэжымны сцяг.
Перад пачаткам гульні быў і салют, таксама ў чырвона-зялёных колерах.
Яго запусцілі з-за меншай, ўсходняй, трыбуны, што не вельмі спадабалася заўзятарам, якія там сядзелі.
Тое, што ў Брэсце быў амаль аншлаг (стадыён змяшчае крыху больш за 10 тысяч), добра бачна і на гульнявых здымках.
У канцоўцы матчу, пры электрычым асвятленні, на «Брэсцкім» зладзілі і традыцыйнае «зорнае неба». Яно трапіла ў трансляцыю.
Адразу пасля гульні ў сваім інстаграме ўражаннямі падзяліўся прэс-сакратар брастаўчан Яўген Раманюк.
А ці падабаецца вам футбольная атмасфера ў Брэсце?
Іншыя пасты карыстальніка
