Грамыка заўчасна адсвяткаваў гол аднаклубніка – пасля сваёй жа шыкоўнай перадачы ў стылі Кроаса

У цэнтральным матчы шостага тура ЧБ-2026 мінскае «Дынама» прымала на сваім стадыёне «МЛ». Госці перамаглі з вырашальным голам Аляксандара Месаравіча ў дадатковы час – 3:2. Але мы звернем увагу на другі мяч віцебскай каманды, аўтарам якога стаў Бісэку Дыябатэ. Асіст на малійца аформіў Валер Грамыка.

Справа ў тым, што Грамыка, аддаўшы шыкоўную перадачу на партнёра, пераканаўся, што мяч дайшоў да адрасата і адразу павярнуўся да трыбун з узнятымі рукамі. У той момант Дыябатэ толькі выходзіў адзін у адзін. Нават два ў адзін – справа быў яшчэ і Канцавы. Заўчаснае святкаванне Грамыкі добра бачнае на ракурсе з-за варот.

Відаць, Грамыка быў вельмі ўпэўнены ў рэалізацыі сваіх аднаклубнікаў. Або спадзяваўся, што яго перадача-цукерка стане галявой. Дарэчы, яна вельмі нагадвае адзін з апошніх асістаў Тоні Кроаса ў Лізе чэмпіёнаў.

Найлепшы футбаліст Беларусі 2025 года паціху прывыкае да беларускіх палёў. У апошніх чатырох гульнях чэмпіянату ён назбіраў 2+2 па сістэме гол+пас. Ды «МЛ» нарэшце справіўся з «Дынама». З трэцяй спробы.