Германія – звычайным рэйсам з народам, Бразілія – пампезным чартарам з вадзяным салютам. Якія розныя пералёты на ЧС
А вам які падыход больш падабаецца?
11 чэрвеня стартуе чэмпіянат свету па футболе. Мундыяль прымуць тры краіны: ЗША, Канада і Мексіка. Большасць зборных ужо адправіліся ў месцы базавання на час турніру. У некаторых былі ўрачыстыя праводзіны.
Але зборная Германіі вырашыла пайсці іншым шляхам. Замест асобнага чартарнага самалёта каманда адправілася ў ЗША звычайным рэйсам авіякампаніі Lufthansa – разам з шараговымі пасажырамі.
Тыя, каму пашчасціла апынуцца на адным борце з нямецкай зборнай, атрымалі ў падарунак майкі нацыянальнай каманды. Так Бундэсцім і іх партнёр Lufthansa падкрэслілі ідэю «бліжэй да людзей» – без лішняга шоў, але з сімвалічным жэстам і ўвагай да заўзятараў.
А вось у зборнай Бразіліі ўсё было зусім інакш – значна больш пампезна і «па-бразільску». Каманда адправілася на Мундыяль на спецыяльным чартарным рэйсе, цалкам аформленым у стылі нацыянальнай зборнай. У аэрапорце арганізавалі сапраўднае шоу.
Перад вылетам правялі цырымонію з «вадзяным салютам» – калі пажарныя машыны ўтвараюць арку з вады над самалётам як знак павагі і ўдачы. Паглядзім, ці дапаможа гэты рытуал камандзе Карла Анчалоці.
А вам які падыход больш падабаецца?
Іншыя пасты карыстальніка
