«Бачылі, як мы гэтых «гномікаў» вазілі? 40 секунд! Гвардыёла не ведаў, што рабіць». Гумар і настальгія ў аглядах Багі
«Барселона», «Чэлсі», Бразілія.
Дзмітрый Бага не гуляе на прафесійным узроўні з 2023 года. Але застаецца ў футболе. Экс-гулец БАТЭ удзельнічае ў шоу, працуе экспертам і блогерам, а таксама робіць агляды старых матчаў у сваім Instagram. І гэтыя відэа карыстаюцца вялікай папулярнасцю ў падпісчыкаў. Нядаўна Бага разабраў матч Лігі чэмпіёнаў «Барселона» – БАТЭ (4:0) на «Камп Ноу» ў 2011 годзе. Асаблівую ўвагу ён надаў сваёй гульні, але і агульную карціну сустрэчы таксама не пакінуў без каментароў.
Крыху раней Бага аглядаў матч Лігі Еўропы «Чэлсі» – БАТЭ (3:1) з 2018 года. Тады барысаўчан узначальваў старэйшы брат Дзмітрыя Аляксей. Дарэчы ў відэа Багі трэнеру «прыляцела» за тое, што паставіў брата апекаваць высачэзнага Лофтуса-Чыка, які забіў пасля падачы з кутняга. Увогуле ў аглядзе вельмі шмат жартаў – найперш з самога сябе. Сарказму на адрас партнёраў і супернікаў таксама хапае.
Успомніў Дмітрый Бага і пра матч алімпійскай зборнай Беларусі супраць Бразіліі ў Манчэстэры ў 2012 годзе. Тады Брэсан забіў у пачатку гульні, але бразільцы перамаглі з лікам 3:1. За сустрэчай з трыбун назіралі 66 тысяч гледачоў. Дарэчы, падчас гэтага матчу Бага часта супрацьстаяў зорнаму Неймару, які тады быў ў прайме. У гэтым аглядзе ад Багі больш за ўсіх дасталося Аляксандр Гутар – за прапушчаны вырашальны гол са штрафнога.
Цікава, на які матч Бага зверне ўвагу наступным разам. Можа ў вас ёсць прапановы?
Іншыя пасты карыстальніка
