Экс-баскетбалістка зборнай Беларусі ззяе ў Германіі як трэнерка
Душ з шампанскага і першы ў гісторыі клуба Кубак.
Аляксандра Тарасава – былая плэймекерка зборнай Беларусі з той самай зорнай каманды Анатоля Буяльскага – пасля завяршэння кар’еры не сышла з гульні. Улетку 2022-га далучылася да трэнерскага штаба берлінскай «Альбы» – і панеслася.
У сезоне-2023/24 «Альба» разам з беларускай спецыялісткай узяла чэмпіёнскі тытул – першы ў гісторыі жаночай каманды клуба.
Цяпер – яшчэ адна старонка. У мінулыя выходныя берлінкі выгулялі Кубак Германіі – і гэта таксама першы такі трафей у гісторыі клуба. У фінале было нялёгка: «Рутронік Старс Кельтэрн» давялі матч да авертайму, але ў дадатковыя пяць хвілін «Альба» аказалася мацнейшай – 67:62. Эмоцыі білі праз край, як і належыць у такі гістарычны момант.
Берлінская «Альба» Тарасавай упершыню ў гісторыі заваявала Кубак Германіі
Тарасава ў чэмпіёнскім відэа з’яўляецца ў самым пачатку: побач з галоўным трэнерам Крыста Кабрэра, за імгненне да таго, як той увойдзе ў распранальню і трапіць пад пераможны душ з шампанскага.
А з іншага ракурсу ўжо сама Аляксандра кудлаціць Кабрэру валасы і крычыць: «Душ з шампанскага!»
Іншыя пасты карыстальніка
