Adidas выкаціў трэйлер да сваёй рэкламы да Чэмпіянату свету-2026 – у кадры Месі, Ямаль, Белінгем
Засвяціліся не толькі футбольныя зоркі
Adidas паказаў трэйлер рэкламнай кампаніі да Чэмпіянату свету-2026, які пройдзе ў ЗША, Канадзе і Мексіцы. У роліку сабралі цэлы россып зорак: Зідан, Месі, Ямаль, Джуд Белінгем, Дэмбеле, Педры і іншыя вядомыя гульцы.
Але не толькі футбол. У кадры таксама з’явіліся актор Цімаці Шаламэ і рэпер Bad Bunny. У пачатку трэйлера Шаламэ абыгрывае розніцу паміж «soccer» і «football»: для ЗША гэта розныя віды спорту, тады як у большасці краін свету гаворка пра адзін і той жа футбол. Гэты дыялог – відавочны ківок у бок амерыканскай аўдыторыі і культурнай розніцы ў тэрмінах.
Поўную версію роліка абяцаюць выпусціць заўтра – мяркуючы па трэйлеры, Adidas зноў робіць маштабную рэкламную гісторыю. Цікава толькі: у гэты раз зоркі футбола сапраўды былі ў кадры ці тут як з рэкламай Lego – толькі ШІ-аватары?
Іншыя пасты карыстальніка
