Шагойка назваў стайняй «МЛ», а пару гадоў таму гэтак жа яго настаўнік называў «Дынама» – вось жа дзіўнае слоўца

У 6-м туры чэмпіянату Беларусі «Дынама» Мінск вельмі крыўдна аддало хатні матч «МЛ» – прапусціла вырашальны мяч на 94-й хвіліне і саступіла 2:3, хаця да таго быў гераічны камбэк.

«МЛ» снова лидер: первая победа и первое поражение при новых тренерах

Гульня была вельмі напружанай, і дынамавец Сакалоўскі на 84-й хвіліне зрабіў лік 2:2, галоўны трэнер гаспадароў Аляксандр Шагойка на эмоцыях даў наказ гульцам – выглядала, што гаворка вялася пра супернікаў: «Вазі, ##### [нафіг], гэту стайню ###### [чортаву], ##### [блін]».

Прэс-служба віцебскага клуба, вядомая любоўю да вырабу відэа пры дапамозе штучнага інтэлекту, не змарнавала шанец пакпіць з трэнера, які ў мінулым сезоне забяспечыў «МЛ» чэмпіёнства, і выпусціла вось такі ролік, дзе сумны Шагойка сядзіць у стайні.

Цікава, што настаўнік Шагойкі, Анатоль Юрэвіч, таксама ўжываў даволі нязвыклае для футбола слова «стайня», прычым на адрас «Дынама». Тры гады таму мінчукі саступілі «Энергетыку-БДУ» 1:4 (да матчу з «МЛ» гэта быў апошні раз, калі дынамаўцы прапусціў тры і больш мячы на ​​сваім полі). Падчас разбіральніцтваў па дамоўных матчах хтосьці зліў размову ідэйнага важака «студэнтаў» з прадстаўніком «Шахцёра». «Я ж сказаў, разбярэмся мы з гэтай стайняй», – пахваліўся тады Юрэвіч суразмоўцу.

На дзяржТБ ізноў накінулі па справе «Шахцёра»: «Энергетык» прайграў «Дынама»-«стайні» задарма, Корзуну адбіла памяць, «Віцебск» прызнаўся на апярэджанне