Заторы на польскай мяжы адбіліся і на белфутболе – зборная ледзь не засталася без асноўнага форварда
Выратаваў нестандартны лайфхак. Наўрад ці вы пра такі чулі
Герман Баркоўскі, які нядаўна адгуляў за польскі «Пяст» супраць «Катавіц» Іллі Шкурына (3:1), спяшаўся ў размяшчэнне зборнай перад заключнымі матчамі ЧС супраць Даніі і Грэцыі. Зараз Баркоўскі з’яўляецца асноўным форвардам зборнай і забіў адзіны гол у мінулым матчы з грэкамі (1:5). Але планам перашкодзілі заторы на мяжы – рэальнасць, з якой сутыкаецца процьма беларусаў.
Па словах агента Германа, Валерыя Ісаева, новы кіраўнік АБФФ не забяспечвае VIP-умоў для гульцоў, таму футбаліст на некалькі гадзін затрымаўся там разам з усімі. Але знайшоў экстравагантнае выйсце, запісвайце – а раптам спатрэбіцца.
Каб паспець на зборы, яму давялося перасядаць на матацыкл і праходзіць кантроль па асобнай чарзе. Ужо ў Брэсце Герман сеў на аўтобус да Мінска.
Іншыя пасты карыстальніка
