Фанаты «Расарыа Сентраль» зладзілі скандальны перформанс з цацкамі для дарослых
Дасталося галоўнаму суперніку
Паўднёваамерыканскі футбол зноў выбухнуў у сацсетках. Падчас матча Прэм’еры дывізіёна Аргенціны супраць «Банфілда» (2:1) заўзятары «Расарыа Сентраль» зладзілі правакацыйны перформанс, прысвечаны свайму прынцыповаму суперніку – «Ньюэлс Олд Бойз».
Ультрас прынеслі на трыбуны сэкс-лялькі, апранутыя ў футболкі «чырвона-чорных», размахвалі імі каля бакавой лініі, імітавалі палавыя акты, суправаджаючы ўсё гэта абразлівымі скандаваннямі і жэстамі. А на 22-й хвіліне пачалі масава кідаць «інвентар» на газон.
Стуарды спрабавалі хутка ачысціць поле і выкідвалі ляляк назад на трыбуны, але заўзятары зноў закідвалі іх на поле – у выніку на некалькі хвілін узнік сапраўдны хаос.
Цікава, што перформанс адбыўся нават не падчас дэрбі. Аднак 22-я хвіліна была выбрана невыпадкова: пасля нядаўняй перамогі ў прынцыповым матчы «Расарыа Сентраль» мае на 22 перамогі больш у асабістых сустрэчах з «Ньюэлс Олд Бойз».
Дарэчы, цяпер за «Расарыа Сентраль» выступае чэмпіён свету ў складзе зборнай Аргенціны Анхель Ды Марыя.
Іншыя пасты карыстальніка
