Гімнаст Іванкоў раптоўна з’явіўся ў Мінску пасля доўгіх гадоў у ЗША – вось як ён цяпер выглядае

Адзін з самых тытуланых гімнастаў у гісторыі Беларусі (двухразовы чэмпіён свету і Еўропы ў шматбор’і) Іван Іванкоў нечакна з’явіўся на публіцы ў Мінску. Ужо даволі даўно былы спартсмен жыве ў ЗША (працуе там галоўным трэнер у адным з клубаў Х’юстана) і пазбягае вялікіх інтэрв’ю. І вось, заехаўшы на Радзіму, 50-гадовы Іванкоў правёў трэнінг для юных гімнастаў у школе, дзе калісьці займаўся сам. Тады ж паспеў даць інт'эрв’ю праграме «Стоп-кадр», якую робіць прапагандысцкі холдынг «Белтэперадыёкампанія». Значную частку спіча госць чамусьці прысвяціў СССР.

«Мы былі наперадзе ўсіх на 30 гадоў. Пасля траўмы мне давялося прадстаўляць гонар вялізнай краіны СССР. Гэта было вельмі адказна і пры гэтым крута. Нас на самай справе баяліся ўсе ў свеце – гонар дзяржавы было нельга страціць. Прыяжджаючы туды, усе былі гатовыя на 200 адсоткаў».

Асобным блокам пайшлі скаргі на нейтральны статус беларускіх спартсменаў. Іванкоў назваў гэта «прыніжэннем» і выказаў упэўненасць, што міжнародныя федэрацыі проста «ставяць палкі ў колы». Пра тое, чаму Беларусі наогул давялося пачаць выступаць у такім статусе, вядома ж, ні слова.

Што цікава, Іванкоў у свой час сам цярпеў ад санкцый. У 2006 годзе амерыканскі прэзідэнт Джордж Буш забараніў уезд у ЗША лукашэнкаўскім чынушам разам з чальцамі сям’і, у тым ліку так званаму міністру гандлю Аляксандру Іванкову і яго жонцы Ніне – гэта бацькі гімнастка. Іванкоў-сын тады загаварыў пра парушэнне правоў чалавека. А вось пасля падзей 2020 года ён на гэтую тэму ніяк не выказваўся.

Яшчэ падчас цяперашняга візіту ў Мінск Іван Іванкоў ацаніў сучасны стан беларускай спартыўнай гімнастыкі:

«Вядома, нам цяпер няпроста. Амаль усё неабходна адраджаць. Трэба падрыхтаваць людзей, якія змаглі б паказаць пераможны вынік. Магчыма, нам патрэбны досвед папярэдніх трэнераў. Веру, што нам удасца выйсці на годны ўзровень. Можа, не адразу гэта адбудзецца, але адбудзецца».

А вось як вядомы гімнаст выгляде сёння.