Квартальнаў зноў выдаў пацешную эмоцыю – выглядае так, што ён не ведае пра падпісанне Лісаўца ў дэдлайн

Галоўны трэнер мінскага «Дынама» Дзмітрый Квартальнаў не змог адказаць на пытанне датычна падпісання ў каманду 30-гадовага беларускага абаронцы Яўгена Лісаўца.

«Зубры» абвясцілі пра пераход хакеіста наўпрост падчас матчу супраць маскоўскага «Дынама» (1:0), які адбыўся 27 снежня – тое быў дэдлайн у КХЛ.

– Узмацнілі абараняльную лінію, падпісаўшы Яўгена Лісаўца. Скажыце, што гэта за гулец і чым ён будзе карысны мінскаму «Дынама»?

– Я пакуль не гатовы адказаць на гэта пытанне, – сказаў Квартальнаў пасля працяглай паўзы.

ВІДЭА

Яўген Лісавец выступаў за мінскае «Дынама» ў 2013-2019 гадах, пасля чаго былі расійскія «Салават Юлаеў», «Віцязь» і «Адмірал». Апошні клуб абаронца пакінуў увесну 2024 года і ўвесь гэты час знаходзіўся без гульнявой практыцы.

Таксама Лісавец гуляў за зборную Беларусі. Апошнім разам ён вызываўся туды пры Квартальным у траўні.

Адзначым, што гэта была не першая дзівосная рэакцыя галоўнага трэнера мінскага «Дынама» па ходзе цяперашняга сезону. 4 снежня ў яго здарыўся ступар на прэс-канферэнцыі пасля першай за 5 гадоў паразы «зуброў» ад «Адмірала», а праз 10 дзён з незразумелай прычыны выказаў абурэнне беларускаму журналісту на пацешным турніры зборных у Расіі.