Баскетбольны Протас, футбольны Леўшуноў і шахматны Марозаў – дзе і як адпачываюць беларускія хакеісты і футбалісты
Двум давялося вучыцца.
Лета – пара адпачынкаў у спорце. Паглядзелі, дзе і як бавяць вакацыі беларускія хакеісты і футбалісты.
Найлепшы беларус НХЛ-2024/25 Аляксей Протас знаходзіцца ў родным Віцебску. Там нападнік «Вашынгтона» паспеў пагуляць з сябрамі у баскетбол.
З жонкай, дачкой і малодшым братам Іллём завітаў да дзеда ў вёску.
Ілья Протас трапіў у сімвалічную зборную CHL сезона-2024/2025
Таксама Протас разам з жонкай пабыў госцем на вяселлі нападніка хакейнага «Віцебска» Аляксандра Ганчарова і яго выбранніцы Лады.
Аляксей і Таццяны Протасы – па баках
На Радзіму прыляцеў і беларускі абаронца «Пітсбурга» Уладзіслаў Калячонак. Ён бавіў час на рыбалцы.
І займаўся спортам.
Але ў была яшчэ адна справа ў Беларусі. Трэба было здаць рэферат да экзаменаў у БДУФК, дзе Калячонак атрымлівае ступень магістра.
Выдаткаваць час на вучобу давялося не толькі Калячонку. Як распавялі ў сацсетках мінскага «Дынама», тое самае рабіў маладая зорка каманды – нападнік Віталь Пінчук.
Паводле клубнай прэс-службы, хлопец паспеў адпачыць у Турцыі, прысвяціць час навучанню ў ВНУ і выправіцца ў Грузію. У Пінчука ёсць вось такі сумесны фотаздымак з вакацый разам з сукаманднікамі Вадзімам Марозам і Даніілам Сацішвілі.
Сацішвілі, Пінчук і Мароз (злева направа)
Яшчэ адзін адметны беларускі хакеіст НХЛ, нападнік «Калгары» Ягор Шаранговіч, для адпачынку выбраў незвычайнае месца – курортны гатэль Maxx Royal у турэцкім Кемеры, што непадалёк ад Анталіі. Адной з фішак месца з'яўляюцца горныя козы. Яны літаральна па ўсяму гатэлю.
Пра адпачынак праспекта «Чыкага» Арцёма Леўшунова чуваць мала. Але ён, відаць па ўсім, не ў Беларусі. У сваім Instagram 19-гадовы абаронца паказваў відэа з матчу 18 чэрвеня паміж мадрыдскім «Рэалам» і «Аль-Хілалям» (1:1) у Маямі на клубным чэмпіянаце свету.
Дарэчы, пра футбол – на адпачынак выправіліся і некаторыя беларускія футбалісты-легіянеры.
Так, застаўшыйся без каманды і атрымаўшы траўму ў зборнай Яўген Шыкаўка праводзіць вакацыі ў Чарнагорыі. Жонка футбаліста паказала мясцовую прыгажосць.
Не застаўся без прыгожых здымкаў і сам Шыкаўка.
Яшчэ адзін беларускі «паляк» Глеб Кучко, які напачатку чэрвеня выйшаў у Д1 Польшчы разам з плоцкай «Віслай», паспеў колькі часу адпачыць у іспанскай Барселоне. Цяпер няцяжка здагадацца, за які клуб заўзее 20-гадовы паўабаронца.
18 чэрвеня «Вісла» выйшла з адпачынку, але Кучко не было ў складзе каманды з першага трэнінгу. Не згуляў беларус і ў першым спарынгу міжсезоння – 21 чэрвеня «Вісла» абыграла 3:2 «Легію» Іллі Шкурына. Апошні з'явіўся на полі на 69 хвіліне і не адзначыўся галявымі дзеяннямі.
Яшчэ адзін беларускі легіянер, Уладзіслаў Марозаў, прама цяпер знаходзіцца ў Беларусі. 21 чэрвеня ён быў заўважаны на матчы брэсцкага «Дынама» супраць «Гомеля» (0:1). Як распавёў ютубер «Проста Дэн», футбаліст вельмі добра гуляе ў шахматы. Праз некалькі дзён блогер паабяцаў агляд партыі супраць нападніка партугальскай «Арокі».
Іншыя пасты карыстальніка
