Протас выйдзе на лёд у лавандавым – на знак салідарнасці з тымі, хто змагаецца з ракам
Беларус не ў першы раз далучыцца да вельмі важнай традыцыі НХЛ
Беларускі форвард «Вашынгтон Кэпіталз» Аляксей Протас прыме ўдзел у штогадовай акцыі Hockey Fights Cancer, якая адбудзецца 22 лістапада ў Вашынгтоне. У гэты вечар арэна Capital One Arena аформіцца ў лавандавы колер – сімвал надзеі і падтрымкі ўсіх, хто сутыкаўся з анкалогіяй.
Падчас матча супраць «Тампа-Бэй» дзеці, якія цяпер праходзяць лячэнне ад раку або знаходзяцца ў рэмісіі, выйдуць на лёд разам з гульцамі «Кэпіталз». Протас таксама будзе будзе побач з імі.
На фотаздымках вышэй, дарэчы, моманты з леташняй акцыі: тады «Кэпіталз» запрасілі 24 барацьбітоў з ракам і іх сем’і на арэну, каб пакатацца на каньках і падурэць разам. У гэтай акцыі таксама ўдзельнічаў беларус.
Для Аляксея гэта далёка не першы дабрачынны эпізод. Напрыклад, у студзені 2025 года ён фатаграфаваўся для акцыі «Вашынгтон Кэпіталз», якая была прысвечана прытулам для жывёл перад хатнім матчам рэгулярнага чэмпіянату НХЛ з «Анахаймам».
Акрамя таго, «Вашынгтон» Протаса ўдзельнічаў у фотасесіі для календара Caps Canine 2025 і дабрачыннай акцыі «Ноч лап», дзе гульцы прыйшлі на арэну з гадаванцамі з прытулкаў, якія шукалі новыя сем’і.
Іншыя пасты карыстальніка
