Хацелі вярнуцца ў інтэрнэт пачатку нулявых? Зазірніце на сайты лядовых арэн у Салігорску, Баранавічах і Шклове

У кожнага хоць раз узнікала думка: «Вось бы на дзянёк вярнуцца гадоў на 20 назад». Настальгія па мінулым, стары інтэрнэт, вось гэта ўсё. Ёсць адзін спосаб гэта арганізаваць. Праўда, не ў самым прыемным сэнсе. Асабліва калі вы маеце дачыненне да вэб-дызайну або вёрсткі.

Прагрэс дабраўся не ва ўсе куткі Беларусі. Напрыклад, вось так выглядае сайт спартыўна-відовішчнай арэны – прасцей кажучы, лядовай – у Салігорску. Калі коратка: кашмар любога дызайнера. Старонка стракаціць дзяржаўнымі лозунгамі і банерамі на любы густ. Тут і чырвона-зялёны сцяг, і плакат да 80-годдзя вызвалення Беларусі (які вісіць там яшчэ з 2024 года), і новы лагатып да так званага «года беларускай жанчыны».

На гэты цуд звярнуў увагу Максім Маханькоў на сваёй старонцы ў Фэйсбуку.

І гэта, на жаль, не толькі салігорская гісторыя. Не менш сумна выглядаюць сайты лядовых арэн, напрыклад, у Баранавічах і Шклове. А сайт маладзечанскага палаца спорту, здаецца, рабіў вялікі фанат пінгвінаў.

Дызайнераў у Беларусі засталося прыкладна на тры дні.