13-гадовы Маёраў з «Рэала» паказаў свой чарговы суперскіл. Ці бачылі вы набіванні на адных пятках?
На полі таксама запальвае.
Беларускі юнак Аляксей Маёраў ужо паўтара года займаецца ў акадэміі мадрыдскага «Рэала». Хлопцу толькі 13 і ў сваім узросце ён адзін з самых таленавітых, нават у такім моцным клубе. Малады актыўна вядзе сваю старонку ў Instagram і часта дзеліцца поспехамі ў засваенні футбольных скілоў. Маёраў дэманструе выдатны дрыблінг, удары «бісіклетамі» і набіванне. Усё гэта на звышпрасунутым узроўні. У адным з апошніх відэа ён набівае на пятках, з ударамі мяча аб сцяну. Пад Эмінэма. Як вам?
Толькі тэхнічнымі трукамі Маёраў не абмяжоўваецца. Маленькі беларус карысны і забіўны на полі. У адным з нядаўніх матчаў ён знатна вазіў супернікаў з «Рая Махадаанда». Ды яшчэ адзначыўся двума галамі: спачатку дабіў пасля нерэалізаванага пенальці партнёра, а затым тонка апрацаваўшы мяч у штрафной пакаціў міма брамніка. Расце вялікі майстар?
Аляксея Маёрава на полі лёгка пазнаць – самы маленькі і самы тэхнічны ў сваёй камандзе «Інфанціл А». Штурхацца корпусам ці змагацца на другім паверсе яму складана, але ў іншых футбольных якасцях ён вельмі добры. Тут не трэба быць спецыялістам. Спадзяемся, дарасце да осноўнага складу «Рэала».
Іншыя пасты карыстальніка
