На зборы «Палесся» Хацкевіча завітаў Усік – суперцяж сказаў гульцам, што зробіць у выпадку чэмпіёнства
Чакае ў рынгу таго, хто будзе супраць.
У верасні 2025 года экс-трэнер зборнай Беларусі Аляксандр Хацкевіч стаў віцэ-прэзідэнтам жытомірскага «Палесся».
Каманда выдатна правяла першую частку чэмпіяната Украіны і сышла на зімовы адпачынак на трэцім месцы. У гэтыя дні футбалісты і трэнерскі штаб знаходзіцца на зборах у Іспаніі, дзе да яе завітаў чэмпіён WBC, WBA і IBF у суперцяжкай вазе Аляксандр Усік. Прысутніцаў на сустрэчы і Хацкевіч.
Адзначым, што Аляксандр Усік з’яўляецца адным з так званых паслоў «Палесся», у 2023 годзе баксёр падпісаў кантракт з жытомірскім клубам, але ў афіцыйных матчах да гэтага часу не дэбютаваў. Тытулаваны баксёр правёў матывацыйную лекцыю для гульцоў каманды – пра характар, дысцыпліну і сілу духа. А яшчэ Усік паведаміў, што зробіць у выпадку чэмпіёнства.
«Калі мы станем чэмпіёнамі Украіны, я буду так радавацца. Я нават віно з горла буду піць – я не рабіў гэтага яшчэ, але зраблю. Але вельмі моцна залежыць ад вас – буду піць я віно з горла ці не. Я хачу выпіць віно з горла, але калі вы мне гэтага не дазволіце, то будзеце мець справу са мной у іншым вымярэнні – гэта значыць у рынгу», – сказаў украінец.
Дарэчы, шансы на чэмпіёнства ў «Палесся» ёсць. Пасля 15 тураў жытомірская каманда мае 30 пунктаў. Вышэй только «ЛНЗ» і «Шахцёр» – у іх па 35. Ці дасць клуб Хацкевіча нагоду Усіку выпіць віно з горла?
Іншыя пасты карыстальніка
