Як белспорт віншаваў «кисуль» з 8 сакавіка: траціліся на дачок, упершыню паказалі дзяўчыну, у кагосьці пахла разводам
Самым вульгарным аказаўся «Віцебск».
У Міжнародны жаночы дзень беларускі спорт ніколі не бездзейнічаў. Так было і ў гэты раз. Клубы і спартсмены масава віншавалі жанчын у сацсетках – публікавалі фота, відэа і цёплыя словы. Хтосьці дзякаваў маці і жонкам, хтосьці – заўзятаркам і калегам па камандзе. Былі і арыгінальныя пасты – з гумарам і асабістымі гісторыямі. Расказваем пра тых, хто здолеў вылучыцца.
Аляксандра Сасновіч (WTA 114) тыдзень таму не прайшла ў фінал кваліфікацыі турніру ў Індыян-Уэлсе. А 8 сакавіка тэнісістка апублікавала відэа, у якім яна чытае лірычны верш рускамоўнай паэткі Елізаветы Пячонкінай. Атрымалася даволі кранальнае выкананне – ці як вам?
Антон Чычкан за першы склад кракаўскай «Віслы» ў гэтым сезоне не гуляе. Але ў клубных актыўнасцях свеціцца рэгулярна. Нядаўна брамнік наведаў адну з польскіх школ, а 8 сакавіка павіншаваў сваіх галоўных жанчын: бабулю, маці і жонку. Чычкан зрабіў гэта на польскай мове.
А вось «Віцебск» для віншавання жанчын абраў песню Стаса Міхайлава «Всё для тебя». Гульцы праспявалі яе на камеру (здаецца, ніхто не трапіў у ноты). Ці задумваліся яны, што аўтар і выканаўца гэтага шлягера падтрымлівае напад Расіі на Украіну?
Жонка паўабаронцы казахстанскага «Актабэ» Мікіты Корзуна Кацярына прыйшла да высновы, што быць татам дзяўчынак вельмі дорага.
Адразу некалькі букетаў падрыхтаваў на 8 сакавіка і форвард «Вашынгтона» Аляксей Протас, у якогда днямі нарадзілася другая дачка. Жонка хакеіста апублікавала першы здымак маленькай Вікторыі.
А вось форвард «Порту-2» Трафім Мельнічэнка ў Міжнародны жаночы дзень упершыню паказаў у сацсетках сваю дзяўчыну – з прызнаннем у каханні.
Жонка 37-гадовага абаронцы «Іслачы» Алега Верацілы Карына ў жаночае свята прыдумала для мужа квэст. Футбалісту неабходна было адгадаць, што яго каханая любіць.
А яшчэ адзін ветэран белфутбола Аляксандр Гутар разам з жонкай Марынай назіраў з акна за ўдзельніцамі так званага «Прыгожага забегу» ў Мінску. Брамнік «Мінска» хацеў адправіць туды сваю другую палоўку.
Жонка трэнера брэсцкага «Дынама» Сяргея Кісляка ў гэтыя дні зведала супрацьлеглыя эмоцыі. Спачатку плакала праз перанос футболаў з удзелам мужа і сына, а потым радавалася і дзякавала галоўнаму трэнеру (відаць, Аляксандру Сяднёву) за тое, што не развяліся.
Футбольны агент Дзмітрый Хлебасолаў 8 сакавіка вырашыў нагадаць, у якой цудоўнай спартыўнай форме ён знаходзіцца. Экс-футбаліст у шортах маскоўскага «Спартака» (дзе ў маладосці не раскрыўся) павіншаваў «кисуль» і папрасіў пабольш жаночай энергіі.
У Анастасіі Калашнікавай таксама было пажаданне. Экс-чэмпіёнка Беларусі ў муай-тай, а цяпер варшаўскі медык папрасіла больш не віншаваць яе са святам «вясны і прыгажосці», а таксама не дасылаць «цюльпанавыя паштоўкі з аднакласнікаў».
Іншыя пасты карыстальніка
