У сацсетках БАТЭ расказалі пра 91-гадовага заўзятара і спарадзiлi каламбур у каментарах

У другім туры ЧБ-2026 БАТЭ разграміў «Баранавічы» 3:0. Усе галы ў гэтым матчы былі прыгожымі: адзін прамым ударам з кутняга і два бісіклетамі. За сустрэчай з трыбун Гарадскога стадыёна назіраў тройчы найлепшы футбаліст Беларусі Ігар Стасевіч.

2-й тур «вышки» закрыли фейлами вратарей – пропускали после углового и передачи назад

Пасля перамогі гаспадароў на старонцы БАТЭ ў Facebook з’явіўся пост пра 91-гадовага заўзятара Івана Семянюту, які ў самым пачатку гульні выконваў сімвалічны ўдар па мячы.

У тэксце аўтар ужыў слова «хварэць» у значэнні «заўзець», на гэта звярнуў увагу галоўны рэдактар беларускай «Трыбуны» Алег Гаруновіч. Рэч у тым, што «хварэць» – гэта наўпроставая калька з рускай мовы, хоць і зафіксаваная ў цяперашніх слоўніках.

Цікава, што ў пасце барысаўчан у Instagram, які з’явіўся пазней, быў ўжо варыянт са словам «заўзець». Нарэшце вызначыліся? А яшчэ з каментароў мы даведаліся, што дача Івана Семянюты прадаецца.

Прыемна бачыць, што барысаўчане вядуць свае сацсеткі на беларускай мове. А які варыянт вы ўжываеце – заўзець ці хварэць? Што да заўзятара сталага веку, то ён выглядае даволі бадзёра. Паглядзіце, як лёгка і з усмешкай ён выканаў перадматчавую перадачу.

ВІДЭА

Вось бы ўсім нам так выглядаць у 91 год. Здароўя гэтаму светламу дзядулі. Менш хварэць – больш заўзець.