На матчы «Дынама» інтэрв'ю ў Борыкава ўзяў «інжынер» Антон Лапенка (шкада, не ў вобразе). У Мінску здымаюць серыял, у якім у яго роля хакейнага трэнера
«Сёмы гулец» выйдзе ў гэтым годзе.
Мінскае «Дынама» часта запрашае на хатнія матчы КХЛ вядомых людзей. Гульня з яраслаўскім «Лакаматывам» 12 лютага не стала выключэннем. Падчас сустрэчы дыктар гучна аб’явіў чарговага госця – Антона Лапенку. Арэна сустрэла яго вельмі цёпла. Расійскі акцёр праславіўся дзякуючы сваім жартоўным скетчам і серыялу «Унутры Лапенкі», дзе ён сам выступае ў ролі розных персанажаў.
Сярод вядомых персанажаў Лапенкі, напрыклад, інжынер, Ігар з групы «Барвовы Фантамас» ці рэпарцёр. У ролі апошняга госць выступіў і у перапанку матча на «Мінск-арэне». У яго адбылася флэш-размова з 20-гадовым форвардам мінчан Ягорам Борыкавым.
У каментарах Лапенку пахвалілі – маўляў, добрае інтэрв’ю, без вады. Але некаторыя чакалі акцёра менавіта ў вобразе (у прыватнасці, журналіста Грачэвіча, Карла Ларына і Катамаранава).
У матчы з «Лока» Борыкаў не вызначыўся, але яго каманда перамагла лідара канферэнцыі 4:2.
Што да Лапенкі, то ён прыехаў у Беларусь не толькі на хакей. У Мінску (а яшчэ ў Маскве і Цверы) праходзяць здымкі новага серыялу «Сёмы гулец». У цэнтры сюжэту – хакейны клуб «Будаўнік». Калісьці гэта была паспяховая каманда, а яе ўладальнік Міхаіл (Мікалай Фаменка) марыў заявіцца ў КХЛ. Але ў хакеістаў і трэнераў здарыўся гульнявы крызіс – клуб упаў на апошняе месца. І вось, у гэтыя складаныя часы на пасаду дырэктара прызначаюць трэнера па фігурным катанні Арцёма (Антон Лапенка). Праект рэалізоўваюць пры падтрымцы КХЛ.
Іншыя пасты карыстальніка
