«Яна даўнавата ў Беларусі». З'явіліся здымкі Мельнікавай з мінскай спортзалы. Бацька экс-спікеркі КС пацвердзіў, што яна «жывая і здаровая»

Анжаліка Мельнікава – беларуская грамадска-палітычная дзеячка, былая спікерка Каардынацыйнай рады беларускай апазіцыі. Яна родам з Нясвіжа, працавала ў бізнесе, а пасля падзей 2020 года выехала за мяжу і занялася палітычнай дзейнасцю.

У 2024 годзе Мельнікава стала спікеркай Каардынацыйнай рады, аднак у 2025 годзе знікла, і яе лёс пэўны час заставаўся невядомым. Гэты выпадак выклікаў шырокі рэзананс і розныя версіі таго, што адбылося.

Днямі нібыта фатаграфіі зніклай жанчыны з’явіліся ў сторыс Instagram-акаўнта аднаго з мінскіх фітнес-цэнтраў. Апублікавала іх трэнерка Галіна Казанава, праз 24 гадзіны фатаграфіі зніклі, так і не звярнуўшы на сябе нічыёй увагі. Але 18 сакавіка іх скрыншоты былі адпраўленыя ў бот Telegram-канала «БалаганOFF».

Паводле The Insider, некалькі знаёмых Мельнікавай пацвердзілі, што на здымках менавіта яна. Журналістам выдання удалося датэлефанавацца ў фітнес-залу і пацвердзіць існаванне трэнеркі, якая апублікавала фота, аднак размаўляць асабіста яна катэгарычна адмовілася. Па нумары адказваў невядомы мужчына, які прадставіўся Эдуардам і адмовіўся звязваць з ёй ці адказваць на пытанні.

На фота з мацоўні ў жанчыны на трэнажоры, якая вельмі падобная да Мельнікаву, бачна татуіроўка – падобную мела і спікерка КР. Прычым, зроблена тату ў Варшаве (з яе ранейшых слоў), значыць ужо падчас эміграцыі. Таксама прыкметна, што Мельнікава (калі гэта яна) падстрыгла валасы – зараз яны прыкладна ўдвая карацей.

Вядома, сёння з дапамогай сучасных тэхналогій можна замяніць твар на фота. Таму дакладна сказаць, ці Мельнікава гэта, складана. Татуіроўку таксама можна падрабіць на здымку. Але гэтая дэталь і маўчанне аўтаркі фота прымушаюць задумацца ў праўдзівасці.

А 20 сакавіка «Наша Ніва» паведаміла, што датэлефанавалася да бацькі Анжалікі Мельнікавай Артура Мікалаевіча. Мужчына пацвердзіў, што яго дачка знаходзіцца ў Беларусі:

«Я ведаю, што яна ў Беларусі. З якога часу? Ну, даўнавата. Нічога яна не знікла. Наколькі я сам ведаю, жывая і здаровая. І дзеці, мабыць, з ёй. Хаця я ўнукаў і яе асабіста даўно бачыў жыўцом. Яна мне сказала: «Ты мне не звані, я сама буду». Ну і часам тэлефануе. Але там нумар заўсёды схаваны, не вызначаецца», – сказаў бацька Мельнікавай.

Атрымліваецца, што знайшлася.