Беларуска не фінішавала на марафоне чэмпіянату Расіі. Як і яшчэ адна лыжніца, якая трапіла ў аварыю з сабакам
Нечаканы госць на снежнай трасе.
Беларуская лыжніца Ганна Каралёва выступіла на Алімпіядзе-2026 у Італіі, а ў канцы лютага паехала спаборнічаць ў Паўднёва-Сахалінск, што на іншым канцы свету. Там праходзіць чэмпіянат Расіі па лыжнах гонках.
У спрынтарскай гонцы беларуска стала дзявятай. У камандным спрынце разам з Ганнай Мачэхінай – шостай. А вось марафон вольным стылем на 50 кіламетраў 7 сакавіка Каралёва не скончыла, як і яшчэ восем расіянак.
Адна з іх, Аліна Кудзісава, дакладна запомніць гэтую гонку на ўсё жыццё. Справа ў тым, што прыкладна ў сярэдзіне дыстацыі ў групу лідараў урэзаўся сабака (на трасе іх было як мінімум тры). Ён ірвануў у ногі Арыны Кусургашавай, аб якую спатыкнулася Кудзісава. Лыжніца у той момант перасоўвалася на даволі вялікай хуткасці.
У выніку Кудзісава прызямлілася на бок і стукнулася галавой аб снег. Яна заплакала і сышла з трасы. Кусургашава хутка ўстала і працягнула гонку (фінішавала сёмай).
Вулічны гэта былі сабака ці з гаспадаром, але без нагляду – ніхто не ведае. Вядома, чатырохлапых не павінна быць на трасе падчас спаборніцтваў. Аднак не заўсёды гэта заканчваецца драмай, часам і камедыяй. Як гэта было на нядаўняй зімовай Алімпіядзе-2026, калі сабака фінішаваў за спінамі лыжнікаў і пачаў цалаваць сцюардаў.
Вось бы ўсе сабакі на снежных трасах былі такімі ж бяскрыўднымі, як гэты італьянскі прыгажун.
Іншыя пасты карыстальніка
